Napakalaking tulong sa ating mga kababayan! Marami sa ating mga khadama (domestic workers) sa Kuwait ang hindi nakakaalam na may karapatan pala sila sa Indemnity o ang tinatawag na End-of-Service Benefits.Kamakailan lamang (nitong unang bahagi ng 2026), muling nagpaalala ang Public Authority for Manpower (PAM) sa Kuwait upang paigtingin ang kampanya para sa karapatan ng mga kasambahay.
Bilang mga OFW, pamilyar tayo sa salitang “sahod” tuwing katapusan ng buwan. Ngunit alam mo ba na kapag natapos na ang iyong kontrata o panahon ng pagtatrabaho sa iyong amo, mayroon kang dapat matanggap na hiwalay na pera?Ito ang tinatawag na Indemnity o End-of-Service Benefits.Marami sa ating mga kababayang khadama (domestic workers) sa Kuwait ang hindi nakakaalam ng karapatang ito, kaya naman kung minsan ay basta-basta na lamang silang umuuwi nang walang nakukuhang separation pay. Sa ilalim ng Kuwait Law No. 68 of 2015 (Domestic Labor Law), protektado at may karapatan ang mga kasambahay sa perang ito.
Ano nga ba ang Indemnity para sa mga Khadama?
Ang indemnity ay ang pondong itinatabi at dapat ibigay ng amo sa kanyang kasambahay bilang pasasalamat at kabayaran sa mga taon ng kanyang tapat na serbisyo. Ibinibigay ito pagkatapos makumpleto ang kontrata.Ayon sa opisyal na batas ng Kuwait, ang halaga ng indemnity para sa domestic workers ay:Isang buwang sahod para sa bawat isang taon ng serbisyo.(One month’s wage for every year of service).
Paano ito itinatama o kinakalkula?
Para mas madaling maintindihan, narito ang simpleng halimbawa:
- Kung ang sahod mo bawat buwan ay 120 KD.
- At nakatapos ka ng 2 taon (isang kontrata) sa iyong amo.
- Ang dapat mong matanggap na indemnity ay: 120 KD x 2 taon = 240 KD.
Kung nag-overtime ka pa at umabot ng 4 na taon, ibig sabihin ay 480 KD ang dapat mong makuha bago ka sumakay ng eroplano pauwi ng Pilipinas.
Mga Mahahalagang Bagay na Dapat Tandaan ng mga Khadama.
Upang masiguro na hindi ka malalamangan at makukuha mo ang iyong pinaghirapan, laging tandaan ang mga sumusunod:
- Ang pirma sa “Clearance” ay sa dulo na Huwag na huwag kang pipirma sa anumang papel o clearance na nagsasabing nakuha mo na ang lahat ng iyong “dues” o bayarin kung hindi pa aktwal na ibinibigay sa iyo ang pera. Kapag pumirma ka, mahihirapan na ang POLO-OWWA o ang Embahada na habulin ang iyong amo dahil may katibayan na siya na “bayad” ka na.
- Katibayan ng Sahod Ugaliing magtabi ng kopya ng iyong payslip, o kung maaari, mas maganda kung ang sahod mo ay idinadaan sa bank transfer o may pinapipirmahang logbook buwan-buwan. Ito ang magiging patunay kung magkano ang huli at aktwal mong opisyal na sahod na gagamiting basehan sa pagkwenta ng indemnity.
- Hindi Pwedeng Bawasan ang Sahod para sa Recruitment Fees Bawal sa batas ng Kuwait na bawasan ang sahod ng khadama para ipambayad sa nagastos ng amo sa agency. Ang pagkain, tirahan, gamut, at damit ay libreng ibinibigay ng amo ayon sa batas, at hindi ito pwedeng ibawas sa iyong maiuuwing indemnity.
Paano kung ayaw ibigay ng amo ang iyong Indemnity?
Kung tapos na ang iyong kontrata at ayaw ibigay ng iyong amo ang nakalaang pera para sa iyo, huwag matakot. May karapatan kang lumapit sa mga sumusunod:
- Department of Domestic Labor (PAM): Sila ang ahensya ng pamahalaan sa Kuwait na humahawak sa mga reklamo sa pagitan ng amo at kasambahay.
- MWO-Kuwait (dating POLO) / OWWA: Direktang pumunta o tumawag sa ating Embahada para matulungan ka ng mga Welfare Officers na kausapin ang iyong agency at ang iyong amo.
Ang pinagbabawal na teknik ni Mr. Brin
Ang pagiging khadama sa ibang bansa ay isang marangal at napakahirap na trabaho. Ang bawat patak ng pawis at sakripisyo mo palayo sa iyong pamilya ay may katumbas na halaga. Huwag mong hayaan na mauwi sa wala ang iyong mga karapatan.Ibahagi natin ang impormasyong ito sa iba pa nating mga kabaro at kaibigang OFW sa Kuwait upang lahat tayo ay maging mulat at protektado. Ang kaalaman ay kapangyarihan! – Mr. Brin
